Haitidə yük avtomobilinin kütləyə çırpılması nəticəsində 12 nəfər ölüb.
Publika.az "RİA Novosti"yə istinadən xəbər verir ki, hadisə Kavayon şəhərində, bazarda baş verib.
İçərisində sərnişinlər olan yük avtomobili hərəkətdə olarkən sürücü qəflətən idarəetməni itirib və maşın yoldan çıxaraq kütləyə çırpılıb. Qəza nəticəsində 12 nəfər hadisə yerində ölüb, çox sayda insan xəsarət alıb. Onlardan bəzilərinin vəziyyətinin ağır olduğu bildirilir.
