Bakı. 12 iyun. REPORT.AZ/ "Böyük Britaniyanın Aİ-dən çıxması üzrə danışıqlar iyunun 19-da başlayacaq".
"Report" BBC-yə istinadən xəbər verir ki, bunu Böyük Britaniyanın "Brexit" üzrə naziri Devid Devis deyib.
Nazir qeyd edib ki, Birləşmiş Krallığın danışıqlardan razılıq olmadan çəkilmək imkanı var.
D.Devisin sözlərinə görə, danışıqların əsas mövzusu yeni şəraitdə Aİ və Birləşmiş Krallığın vətəndaşlarının statusu məsələsi olacaq.
Plana görə, danışıqlar təxminən 15 ay davam edəcək və 2018-ci ilin payızında başa çatacaq. Danışıqların gedişatından asılı olmayaraq, Böyük Britaniya Aİ-nin bütün üzvlərinin keçid dövrünün uzadılmasını istəməyəcəyi təqdirdə 31 mart 2019-cu il tarixdə Aİ üzvlüyünü ləğv edəcək.