Bakı. 12 iyun. REPORT.AZ/ Moskvanın mərkəzində keçirilən kütləvi tədbirdə təqribən 270 min insan iştirak edir.
"Report" xəbər verir ki, bu barədə Rusiyanın Daxili İşlər Nazirliyinin mətbuat xidmətindən məlumat verilib.
Qurumdan bildirilib ki, hüquq-mühafizə orqanlarının əməkdaşları vətəndaşların təhlükəsizliyini təmin ediblər.
Xatırladaq ki, iyunun 12-də Rusiyada milli bayram qeyd olunur.
Bu gün eyni zamanda Rusiyanın bir sıra şəhərlərində, o cümlədən Moskva və Sankt-Peterburqda icazəsiz etiraz aksiyası keçirilib. Rusiya KİV-inin məlumatına görə, şahidlər Moskvada hüquq-mühafizə orqanlarının əməkdaşları tərəfindən təqribən 50 nəfərin saxlanıldığını xəbər verib.
Bundan əvvəl, günorta saatlarında müxalifət fəalı Aleksey Navalnı da saxlanılıb.
