“Bu ilin ilk 5 ayı ərzində ölkəyə 526,53 milyon ABŞ dolları dəyərində yeyinti məhsulları gətirilib ki, keçən ilin eyni dövrü ilə müqayisədə 6,8% artım deməkdir”.
Bu sözləri Metbuat.az-a açıqlaması zamanı iqtisadçı Pərviz Heydərov bildirib. Onun sözlərinə görə, artan yeyinti məhsullarının siyahısı belədir:
Ət - 2,9 dəfə;
Süd - 77%;
Kərə yağı və süddən hazırlanmış digər yağlar - 4,3%;
Çay - 20,9%;
Meyvə-tərəvəz - 1,4%;
Şəkər - 16 %.
İqtisadçı əlavə edib ki, keçən ilin eyni dövrü ilə müqayisədə buğda idxalı 38,6% azalıb:
“Yeyinti məhsullarının ölkəmizə idxalı keçən il 15 %-ə yaxın təşkil edirdisə, bu gün 19%-ə yaxınlaşıb. Tendensiya bu cür davam edərsə, valyuta bazarımızda əldə olunan sabitlik yaxın müddətdə pozula bilər”.
Xəyalə Məmmədova / METBUAT.AZ