Nazir: Qobustan Avropanın ən yaxşı muzeyləri sırasına daxil olub

Nazir: Qobustan Avropanın ən yaxşı muzeyləri sırasına daxil olub
10:50 13 İyun 2017
41 Ölkə
Ölkə mətbuatı
A- A+

Bakı. İlhamə İsabalayeva - Trend:

Keçən il Qobustan Milli Tarix Bədii Qoruğuna təxminən 100 minə yaxın insan ziyarət edib.

Trend-in məlumatına görə, bunu jurnalistlərə açıqlamasında mədəniyyət və turizm naziri Əbülfəs Qarayev deyib.

Onun sözlərinə görə, Qobustana gələn turistlərin sayı ötən dövrlərə nisbətən xeyli çoxalıb:

"Bu gün paleolit dövründən qalan qayaların üzərində yazılan yazılar, rəsmlər dünyada çox nadir hallarda tapılır. Dünyada bu cür məkanların şəbəkəsi mövcuddur. Azərbaycan artıq Qobustanla bu şəbəkəyə daxil olaraq bütün dünyaya nümayiş etdirir ki, bəşəriyyətin ilk məkanları olan torpaq, yer Azərbaycanda yerləşir".

Nazir əlavə edib ki, bütün turist şirkətləri Qobustana səfəri öz turizm paketlərinə daxil edirlər.

Ə.Qarayev deyib ki, Qobustan muzeyi Avropanın ən yaxşı muzeyləri sırasına daxil olub.


Xəbərin orijinal ünvanı: http://az.trend.az/azerbaijan/society/2765944.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR