Bakı. 13 iyun. REPORT.AZ/ İspaniyanın Bilbao şəhərini təmsil edən "Atletik" klubunun futbolçusu Yeray Alvares Lopesdə xərçəng xəstəliyinin ağırlaşma halı baş verib. "Report"un məlumatına görə, 22 yaşlı müdafiəçidə 2016-cı ilin dekabrında xaya xərçəngi aşkarlanıb.
O, son günlər İspaniya yığmasının düşərgəsində olub. Bu zaman tibbi müayinə nəticəsində limfa düyünlərində böyümə müşahidə olunub. Yeray Alvares kimya terapiyasına məruz qalacaq. İlkin proqnozlara əsasən, gənc futbolçu 3 ay buraxacaq.
Qeyd edək ki, Yeray Alvares Lopesin "Atletik"lə 2022-ci ilin yayınadək müqaviləsi var.
