Azərbaycan, Bakı, 8 yanvar /Trend, müxbir İlkin İzzət/
Azərbaycanın qadın güləşçilərinin dünya reytinq siyahısındakı yerləri məlum olub.
Azərbaycan Güləş Federasiyasından (AGF) Trend-ə verilən mlumata görə, Dünya Güləş Birliyi (UWW - United World Wrestling) 2014-cü ilin yekunlarına görə, qadın güləşi üzrə yeni ilin ilk reytinq siyasını açıqlayıb.
Qadın güləşçilərin reytinq sıralamasında 4 güləşçimizin adı var. 2014-cü il Dünya çempionatının gümüş mükafatçısı Yuliya Ratkeviç (60 kq) və bürünc medalçısı Mariya Stadnik (48 kq) reytinqdəki mövqelərini qoruyub. Güləşçilərimiz müvafiq olaraq, 2-ci və 4-cü sırada qərarlaşıb.
48 kq
4. Mariya Stadnik - DÇ 3-cü yer (4)
58 kq
10. İrina Netreba - AÇ 2-ci yer (13)
60 kq
2. Yuliya Ratkeviç - DÇ 2-ci yer (2)
69 kq
13. Nadya Sementsova - Almaniya Qran Pri turniri 3-cü yer (13)
Qeyd: İdmançıların adları qarşısında onların iştirak etdikləri son yarışda əldə etdiyi nəticə, mötərizədə isə bundan əvvəlki reytinq siyahısında tutduqları yer göstərilib.
Məqalə müəllifi ilə əlaqə ünvanı: agency@trend.az
