Bakı. 13 iyun.REPORT.AZ/ Bu ilin may ayı ərzində Azərbaycan Dövlət Neft Şirkətinin (SOCAR) “Azəriqaz” İstehsalat Birliyində əhali sektoru üzrə 6 431 yeni abonent qeydiyyata alınıb.
“Report”un “Azəriqaz”a istinadən verdiyi xəbərə görə, bunun da 3 599-u Bakı, Abşeron və Sumqayıt, 2 832-si isə regionlar üzrədir.
Bununla da ölkə üzrə təbii qazla təmin olunan abonentlərin sayı 2 045 046-ya çatıb.
Bu il iyunun 1-i tarixinə olan məlumata görə, qeyri-əhali sektoru üzrə ölkədə 431 məscid və dini məbədə təbii qazdan istifadə üçün limit ayrılıb.
