UEFA 2016/17 mövsümündə Avrokuboklarda özünü yaxşı tərəfdən göstərən futbolçulara təqdim etmək üçün 5 yeni mükafat təsis edib.
Milli.Az goal.az-a istinadən xəbər verir ki, bu mükafatlar avqustun 24-də Monakoda təqdim olunacaq. Yeni mükafatlar Çempionlar Liqasının ən yaxşı qapıçısı, müdafiəçisi, yarımmüdafiəçisi, hücumçu və Avropa Liqasının ən yaxşı oyunçusu üçün hazırlanıb. Onları münsiflər heyəti seçəcək. Bura 2016/17 mövsümünə Avroliqa və Çempionlar Liqasının qrup mərhələsində oynayan klubların baş məşqçiləri və 55 tanınmış idman jurnalisti daxil olacaq. Məşqçilərə öz komandasının oyunçusuna səs vermək qadağandır. 4 nominasiyada mükafatlara namzədlərin adı avqustun 4-də açıqlanacaq. Avroliqa və Çempionlar Liqasının ən yaxşı futbolçusu olmağa 3 namizəd isə avqustun 15-də məlum olacaq.
Qeyd edək ki, "Qarabağ" və "Qəbələ" ötən mövsüm Avropa Liqasında qrup mərhələsinə vəsiqə qazandığından münsiflər heyətində Qurban Qurbanov və Roman Qriqorçuk da yer alacaq.
Milli.Az
