Bakı. 14 iyun. REPORT.AZ/ Bakıda “Universitetlərdə elmi fəaliyyətin müasir idarəetmə modeli” mövzusunda beynəlxalq elmi-praktik konfrans başlayıb.
"Report" xəbər verir ki, tədbir Təhsil Nazirliyinin dəstəyi, UNEC, Clarivate Analytics (Thomson Reuters), Beynəlxalq Elmi və Texniki İnformasiya Mərkəzinin təşkilatçılığı ilə keçirilir.
Konfransda Nobel mükafatçısı Əziz Sancar, Azərbaycanın tanınmış elm və təhsil mərkəzlərinin rəhbərləri, alimlər iştirak edir.
UNEC-in rektoru Ədalət Muradov bildirib ki, son dövrlərdə təhsilin inkişafı üçün bir sıra vacib islahatlar həyata keçirilir: "Cəmiyyətdə qəbul edilir ki, təhsil, elm və istehsal üçbucağı prizması gücləndirilib. Universitetlər insan kapitalı formalaşdırılan bir müəssisədir".
Dünyanın nüfuzlu alimlərinin toplaşdığı elmi platformada elm və təhsilin problemləri, perspektivləri, universitetlərdə elmmetriyanın tətbiqi, elmin iqtisadiyyatı və maliyyələşdirilməsi, əqli mülkiyyət hüquqlarının və elmi etikanın qorunması ilə bağlı müzakirələr aparılacaq.