Bolqarıstanda kişi həndbolçular arasında İnkişaf etməkdə olan ölkələrin çempionatı davam edir.
Milli.Az apasport.az-a istinadən xəbər verir ki, C qrupunun ilk turunda Andorraya qalib gələn Azərbaycan millisi növbəti oyununda ev sahibləri ilə üz-üzə gəliblər.
Komandamız "cırtdan ölkə"dən fərqli, Bolqarıstan həndbolçuları ilə bacarmayıblar. Hikmət Abdullayevin komandası 34:41 hesabı ilə uduzub.
Qrupun digər qarşılaşmasında isə Kipr ikinci qələbəsini qazanıb. Andorranı 39:14 hesabı ilə məğlub edən komanda turnir cədvəlində liderliyə yüksəlib. Azərbaycan və Bolqarıstanın hesabında isə 1 qələbə var.
Qeyd edək ki, yığmamız son matçda Kiprlə üz-üzə gələcək. Məğlubiyyət komandamızın vaxtından əvvəl yarışla vidalaşmasına səbəb ola bilər.
Milli.Az
Digər maraqlı xəbərlər Milli.Az-ın Facebook səhifəsində
