Bakı. Trend:
Son illərdə Cənubi Qafqazdakı geosiyasi vəziyyət əhəmiyyətli dərəcədə dəyişib və bölgədə Amerikanın maraqlarının irəliləməsi üçün ABŞ prezidenti Donald Tramp administrasiyasının bəzi məsələlərə yanaşmaları dəyişməlidir.
Trend-in məlumatına görə, bu, “Eurasianet” nəşrində Riçard Sokolski və Pol Stronskinin məqaləsində yazılıb.
Müəlliflərin fikrincə, ABŞ-ın Cənubi Qafqazda daimi maraqları var:
“Bura regional stabilliyin qorunması, münaqişələrin qarşısının alınması, Azərbaycan, Gürcüstan və Ermənistanın Qərb təhlükəsizlik və iqtisadiyyat sistemlərinə yaxınlaşması daxildir”.
Son 25 il ərzində ABŞ-ın Cənubi Qafqazda iştirakı hər 3 dövlətə öz suverenlyini qoruyub saxlamağa və müəyyən demokratik inkişafa nail olmağa kömək edib.
Müəlliflər yazır ki, gələcəkdə ABŞ-ın regiondakı əsas vəzifələrindən biri uzanmış münaqişələrdə, xüsusilə də Dağlıq Qarabağ münaqişəsində eskalasiyanın qarşısının alınması olacaq. Silahlı münaqişənin bərpa olunması hər üç ölkə üçün və bütün region üçün ciddi sosial-iqtisadi və siyasi fəsadlara gətirib çıxaracaq.
