Şəkidə baş verən yanğında 10 baş mal-qara tələf olub.
Milli.Az ARB Şəki-yə istinadla xəbər verir ki, Aşağı Daşağıl kəndində Eyvaz Bayramova məxsus ümumi sahəsi 84 kvadrat metr olan tövlənin yanar konstruksiyaları və damda yığılan 6 ton otdan 3 tonu yanıb.
Yanğın zamanı iki baş iribuynuzlu, 8 baş xırdabuynuzlu heyvan tüstüdən boğularaq ölüb.
Hadisə yerinə FHN-nin Şəki rayon Dövlət Yanğından Mühafizə Hissəsinin texnikaları və canlı qüvvəsi cəlb olunub. Yanğının digər ərazilərə keçməsinin qarşısı alınıb. Yanğının hansı səbəbdən baş verməsi hələlik məlum deyil.
Milli.Az
Videonu izləmək üçün şəklə klikləyin:
Digər maraqlı xəbərlər Milli.Az-ın Facebook səhifəsində