İtaliyada 2017-2018-ci illər üzrə futbol mövsümünün təqvimi açıqlanıb. A seriyasında mübarizəyə avqustun 20-də start veriləcək.
Milli.Az goal.az-a istinadən xəbər verir ki, 38 turluq marafonda adəti üzrə 20 komanda çempionluq uğrunda mübarizə aparacaq. Avqustun 13-də isə Romada "Yuventus" və "Latsio" klubları İtaliya superkuboku çərçivəsində üz-üzə gələcəklər. İtaliya kubokunun final görüşü isə 2018-ci il mayın 9-na təyin olunub. A seriyasını tərk edən "Empoli", "Peskara" və "Palermo"nu A seriyasında "Verona", "SPAL" və "Benevento" klubları əvəzləyəcək. Bundan əlavə, çempionatda qış fasiləsi olmayacaq. Bu, səbəbsiz deyil. Belə ki, milli komandanın baş məşqçisi Campyero Ventura dünya çempionatının final mərhələsinə hazırlıq səbəbindən İtaliya Futbol Federasiyasına bununla bağlı müraciət edib.
Xatırladaq ki, 2018-ci ildə Rusiyanın ev sahibliyi edəcəyi mundial iyunun 14-də başlanacaq.
Milli.Az
Digər maraqlı xəbərlər Milli.Az-ın Facebook səhifəsində
