Bakı. 14 iyun. REPORT.AZ/ Milli Strateji Düşüncə Mərkəzinin sədri, Müsavat Partiyasının sabiq başqanı İsa Qəmbər, Müsavat Partiyasının başqanı Arif Hacılı və partiyanın Mərkəzi İcra Aparatının rəhbəri Gülağa Aslanlı Baş Prokurorluğun Ağır cinayətlərə dair işlər üzrə istintaq idarəsinə çağırılıblar.
"Report"un xəbərinə görə, onları idarənin Xüsusilə mühüm işlər üzrə müstəntiqi Əli Babayevin qəbul edəcək.
İ.Qəmbərin, A.Hacılının və G.Aslanlının Baş Prokurorluğun Ağır cinayətlərə dair işlər üzrə istintaq idarəsinə çağırılması bir müddət əvvəl həbs edilən Əfqan Muxtarlının cinayət işi ilə əlaqədardır.
