Bakı. 14 iyun. REPORT.AZ/ Bu gün Türkiyədə ABŞ dollarının məzənnəsi 3,50 lirə səviyyəsindən aşağı düşüb.
"Report" xəbər verir ki, bu, ABŞ-da açıqlanan zəif inflyasiya göstəriciləri səbəbindən dolların qlobal valyuta bazarında ucuzlaşması amili ilə balıdır. Belə ki, hazırda dollar/lirə məzənnəsi dünənə nisbətən 0,8% azalaraq 3,4910 TRY/USD səviyyəsində yer alıb.
"Report"un analitik qrupu dolların məzənnəsinin yay aylarında 3,45-3,65 TRY/USD diapazonunda dalğalanacağını, uzunmüddətli perspektivdə isə məzənnədə artımın davam edəcəyini proqnozlaşdırır.