Günlərin bir günü əfsanəvi Merilin Monro ölkə qəzetlərinin birində sərt tənqid olunur. Səbəb isə, aktrisanın bir müddət öncə tədbirlərin birinə açıq dekolteli qırmızı donla qatılması idi.
Publika.az-ın xəbərinə görə, gözəl Merilin haqda yazılmış məqalə o qədər sərt idi ki, jurnalist onu yüngüləxlaqlı, zövqsüz də adlandırmaqdan çəkinməmişdi: “Kartof torbası geyinsəydi, daha gözəl görünərdi”.
Buna cavab olaraq ecazkar xanım, kartof satılan torbanı əyninə geyinib, şəkillər çəkdirir. O, sübut edir ki, hətta kartof torbası geyinsə belə, füsunkar və cazibədardır.
