Goranboy.13 iyun. REPORT.AZ/ Goranboy rayonunda mikroavtobus 28 yaşlı atlını vurub.
"Report"un Qərb bürosunun verdiyi məlumata görə, hadisə bu gün axşam saatlarında "Stansiya Goran" deyilən ərazidə baş verib.
Belə ki, Goranboy rayon sakini, 1989-cu il təvəllüdlü Nemət Qabil oğlu Əhmədov atla yolda hərəkətdə olarkən mikroavtobus tərəfindən vurulub. Yaralı Goranboy Rayon Mərkəzi Xəstəxanasına yerləşdirilib. Onun əməliyyat edildiyi və vəziyyətinin ağır olduğu bildirilir.
Faktla bağlı araşdırma aparılır.