Xudat. 15 iyun. REPORT.AZ/ Xudat-Susay yolunda 5 nəfərin xəsarət alması ilə nəticələnən ağır yol qəzası baş verib.
"Report" Şimal bürosu xəbər verir ki, qəza hazırda markası bilinməyən avtomobilin dərəyə yuvarlanması nəticəsində qeydə alınıb.
Hadisə yerinə Xudat Təcili Tibbi Yardım Stansiyasının əməkdaşları cəlb olunub. Nəticədə yaralılar "təcili yardım" maşınları ilə Xudat və Xaçmaz xəstəxanalarına aparılıblar. Yaralılardan biri - Qusar rayonu, 1991-ci il təvəllüdlü Əniqoba kənd sakini Hacıverdiyev Elşən Rövşən oğlu ağır açıq kəllə-beyin travması, baş beyinin əzilməsi, sağ tərəfdən qabırğaların sınığı, boyun fəqərələrinin sınığı diaqnozu ilə Xaçmaz MRX-ya qəbul olunub. Xəstənin vəziyyəti ağır qiymətləndirlir.
Faktla bağlı araşdırmalar aparılır.