Bakı. Trend:
Hindistanın şimal-şərqində daşqınlar nəticəsində bir neçə gün ərzində 15 nəfər həlak olub.
Trend-in "RİA Novosti"yə istinadən verdiyi məlumata görə, daşqınlar əsasən Hindistanın Assam, Manipur və Mizarami ştatlarındadır. Daşqınlar səbəbindən minlərlə evə zərər dəyib.
"Daşqınlar sakitləşir, çünki yağışlar kəsilir", - konqresin nümayəndəsi deyib. Lakin bildirilir ki, ölənlərin sayı arta bilər.
