Qvatemalada baş verən zəlzələ nəticəsində 5 nəfər ölüb, 7 nəfər xəsarət alıb.
APA-nın RİA Novosti agentliyinə istinadən verdiyi xəbərə görə, təbii fəlakət ölkənin üç bölgəsində 4 qadın və 1 kişinin həyatına son qoyub, 40 yaşayış evi qismən dağılıb.
İyunun 14-də Qvatemalada 6,6 bal gücündə zəlzələ baş verib. Yeraltı təkanların episentri Taxumulko şəhərindən 8 km aralıda, Meksika ilə sərhəddə yerləşib.
