Bakı. 15 iyun. REPORT.AZ/ Əfqanıstanın paytaxtı Kabildəki məscidlərdən birinin yaxınlığında partlayış törədilib.
"Report"un məlumatına görə, bu barədə "Reuters" ölkənin Daxili İşlər Nazirliyinə istinadən xəbər verib.
Nazirlik hadisənin terror hücumu olduğunu bildirib. DİN rəsmisi Nəcib Daneş bildirib ki, hücum nəticəsində ölənlər var. Hadisə yerinə xeyli sayda polis göndərilib.
Əfqanıstanın "Tolo News" telekanalı isə partlayışın məsciddə törədildiyini xəbər verib. Telekanalın məlumatında bildirilir ki, hadisə nəticəsində 6 nəfər həlak olub, 10 nəfər xəsarət alıb.
Partlayışdan sonra ərazidə atışma olub.
