Bakı. 16 iyun. REPORT.AZ/ Bu il Azərbaycanda vergi daxilolmalarının 75%-dən çoxu qeyri-neft sektorunun payına düşəcək.
“Report”un məlumatına görə, bu barədə jurnalistlərə açıqlamasında vergilər nazirinin müavini İlkin Vəliyev məlumat verib.
Onun sözlərinə görə, cari ilin ilk 5 ayının nəticələri göstərir ki, bu proqnoza nail olmaq mümkün olacaq: “Yanvar-mart ayları üzrə qeyri-neft sektorundan vergi daxilolmaları ilə bağlı proqnoz 100,1% yerinə yetirilib”.
