Ötən axşam "Survivor" yarışını tərk edən növbəti iştirakçının adına aydınlıq gəlib. O, "Könüllülər" komandasında Ogedayla finalın br addımlığına qədər gəlib çıxan xanım iştirakçı Berna Kekliklər olub. Səsvermənin nəticəsinə görə, ikinci toxunulmazlıq oyunundan dərhal sonra tamaşaçılar tərəfindən ən az səs toplayan Berna nəticələr məlum olduqdan sonra gözyaşı içində yarışı tərk etmə səbəbini bölüşüb.
Adaya ilk gəldikləri gündən hər toxunulmazlıq oyunundan öncə ona tərəf kəpənək uçduğu zaman "Məşhurlar"a qalib gəldiklərini bildirən Berna "Bu gün səhər Ogeday bilmədən bir kəpənəyin üstündə oturdu, o öldü. Demək, bu yarışı tərk edəcəyim ilə bağlı bir işarə idi" sözlərini fikirlərinə əlavə edib.
Digər yarış iştirakçıları və Acun Bernanın bu müqayisəsi qarşısında təəccüblərini gizlədə bilməyiblər.
Təhməz Təkin
Milli.Az
Digər maraqlı xəbərlər Milli.Az-ın Facebook səhifəsində
