Rusiya raket əleyhinə müdafiə sisteminin müvəffəqiyyətli sınağını həyata keçirib.
Publika.az “RİA-Novosti” agentliyinə istinadən xəbər verir ki, bu haqda Rusiya Müdafiə Nazirliyi bildirib.
Sınaq Sarı-Şaqan poliqonunda keçirilib. Qeyd edilir ki, sınaqlar zamanı şərti hədəf müvəffəqiyyətlə məhv edilib.
Raket əleyhinə müdafiənin sisteminin silahlanmasının əsasında Hava-kosmik güclərinin raket əleyhinə müdafiə qoşunları dayanır. Sistem paytaxt Moskvanı və mərkəzi sənaye rayonunu ballistik raketlərin zərbələrindən mühafizə edir.
Hazırda paytaxtın müdafiəsinə A-135 raket əleyhinə müdafiə sistemi cavab verir. Onun hazırlamasına 1971-ci ildə başlanılıb və 1979-cu ildə işə salınıb.
Ömər Dağlı
