Yaponiyanın Yokosuka şəhəri yaxınlığında ABŞ esminesi ticarət gəmisi ilə toqquşub.
Publika.az xəbər verir ki, ABŞ Hərbi-Dəniz Qüvvələrindən verilən məlumata görə ABŞ-a məxsus “USS Fitzgerald” esminesi ilə Filippinə məxsus “ACX Crystal” yük gəmisinin toqquşması nəticəsində 4 nəfər xəsarət alıb, 7 nəfər itkin düşüb.
Məlumata görə hadisə yerli vaxtla 02:30-da Yaponiyanın Yokosuka şəhərinin 103 km cənub-qərbində baş verib.
Qəza nəticəsində itkin düşən 7 ABŞ hərbçisinin axtarışına 5 zirehli kater və aviasiya dəstəsi cəlb olunub.
İlkin məlumatlara görə, yaralılardan biri “USS Fitzgerald” esminesinin kapitanıdır. Yaralılar təcili olaraq ABŞ Hərbi-Dəniz Qüvvələrinin hospitalına yerləşdirilib.
Gəmidəki ekipajın sağlam şəkildə təxliyəsi ilə bağlı işlərin davam etdiyi və hadisə ilə bağlı araşdırmanın başlandığı bildirlib.
Könül Cəfərli
