“Qarabağ”ın 3 futbolçusu forma nömrələrini dəyişib.
Fanat.Az klubun rəsmi "Facebook" səhifəsinə istinadən xəbər verir ki, qapıçı Şahruddin Məhəmmədəliyev yeni mövsümdən "1", hücumçular - Dino Ndlovu "9" və Ağabala Ramazanov isə "10" nömrəli formayla mübarizə aparacaq.
Qeyd edək ki, indiyədək "1" nömrəli formanı Boyan Şaranov geyinirdi. Serb qapıçı artıq komandanı tərk edib. Şahruddin Məhəmmədəliyev isə "12" nömrədə çıxış edirdi.
Dino Ndlovu "6" nömrəli formadan imtina edib. Cənubi afrikalı hücumçu Reynaldonun gedişindən sonra boş qalan "9"a sahib çıxıb.
Ağabala Ramazanov isə ötən mövsüm "44" nömrəli formanı geyinirdi. Komandanın "10 nömrəsi" isə artıq "Qarabağ"ı tərk edən Muarem Muaremə məxsus idi.
Fanat.Az
