Bakı. 19 iyun. REPORT.AZ/ ABŞ-ın Montana ştatında yay kottecinin eyvanının qismən uçması nəticəsində 50-dən çox insan xəsarət alıb.
"Report" TASS-a istinadən xəbər verir ki, bu barədə bazar günü Kalispell şəhərinin tibb mərkəzinin nümayəndələri məlumat yayıb.
Hadisə Leyksayd yaşayış məntəqəsi yaxınlığında yerləşən meşə qəsəbəsində baş verib.
Yaralılar xəstəxanaya yerləşdirilib. Onlardan ikisinin vəziyyəti ağırdır. Xəsarət alanlar arasında uşaqlar və yaşlı insanlar da var.
Eyvanın hansı səbəbdən uçulduğu məlum deyil. Faktla bağlı araşdırma aparılır.
