"Neftçi"dən azarkeşi vurduğu üçün qovulan futbolçu Rumıniya "Yuventus"una keçib

"Neftçi"dən azarkeşi vurduğu üçün qovulan futbolçu Rumıniya "Yuventus"una keçib
11:27 19 İyun 2017
45 İdman
Ölkə mətbuatı
A- A+

Bakı. 19 iyun. REPORT.AZ/ "Neftçi"nin azarkeşini oyun vaxtı vurduğu üçün komandadan qovulan futbolçu Katalin Tira özünə yeni klub tapıb. "Report"un məlumatına görə, 23 yaşlı hücumçu Rumıniyanın paytaxtı Buxaresti təmsil edən "Yuventus"la müqavilə bağlayıb.
Anlaşmanın müddəti və maddi tərəfləri açıqlanmır. Bu komandanın baş məşqçisi "Bakı"nın sabiq hücumçusu Daniel İonel Opritsadır.
Qeyd edək ki, Katalin Tira ötən mövsümün əvvəlində "Neftçi"yə transfer olunub. Tira 2016-cı il oktyabrın 25-də "Qarabağ"la oyun zamanı meydana girən azarkeşə hücum edərək, onu vurub. Nəticədə AFFA İntizam Komitəsi gənc hücumçunu 5 oyunluq cəzalandırıb, klubu isə cəzanın bitməsini gözləmədən futbolçunu qovub. Rumıniyalı legioner ötən mövsümün ikinci yarısını Rumıniyanın "Dunarya Kalaraşi" komandasında keçirib. Buxarest "Yuventus"u isə aşağı liqada çempion olaraq, 2017-2018 mövsümündən yüksək liqada iştirak hüququna yiyələnib.

Xəbərin orijinal ünvanı: https://report.az/futbol/neftci-den-azarkesi-vurdugu-ucun-qovulan-futbolcu-ruminiya-yuventus-una-kecib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR