"5 potensial rəqibdən ən çətini düşdü. "Samtredia" bizi daha yaxşı tanıyır. Ötən mövsüm rəqibin "Qəbələ"ylə cavab matçında göstərdiyi futbolu gördük. Xarakterli komandadır".
Milli.Az report-a istinadən xəbər verir ki, bunu "Qarabağ" komandasının baş məşqçisi Qurban Qurbanov Çempionlar Liqasının II təsnifat mərhələsinin püşkünü dəyərləndirərkən deyib.
O bildirib ki, hazırda Gürcüstan çempionatın davam etməsi "Samtredia"nın üstünlüyüdür: "Biz isə hələ ki, tam heyətlə yığışa bilməmişik. Milli komandalarda olan futbolçular iyunun 20-dən sonra təlim-məşq toplanışına qoşulacaq. Çalışacağıq ki, ən qısa zamanda toparlanaraq çatışmazlıqlarımızı aradan qaldıraq və oyuna qədər tam hazır vəziyyətə gələk".
Milli.Az
Digər maraqlı xəbərlər Milli.Az-ın Facebook səhifəsində
