"Bəxtimizin gətirdiyini deyə bilmərəm. "Mladost" Serbiya futbolunu təmsil edir". Bu sözləri Fanat.Az-a açıqlamasında "İnter"in çalışdırıcısı Zaur Svanadze deyib.
"İnter"in gürcü çalışdırıcısı Avroliqanın 2-ci təsnifat mərhələsində üz-üzə gələcəkləri rəqib haqda danışıb: "Amma bu o demək deyil ki, biz mərhələ adlamaq haqda düşünmürük. Hədəfimiz Serbiya klubunu mübarizədən kənarlaşdırmaqdı. Oyuna mümkün qədər yaxşı hazırlaşmalı, özümüzə inanmalıyıq. Rəqibi yaxından tanımalı, düzgün oyun qurmaq üçün təhlillər aparmalıyıq. Əlbəttə, məlum səbəbdən heyətimiz geniş deyil. Ancaq indi komandada olan futbolçularla da məqsədə çatmaq olar".
Fanat.Az