"Formula-1" bolidlərinin Bakıya gətirilməsinə başlanılıb

"Formula-1" bolidlərinin Bakıya gətirilməsinə başlanılıb
16:44 19 İyun 2017
40 Digər
Ölkə mətbuatı
A- A+

"Formula-1" Azərbaycan Qran-prisi çərçivəsində Bakı Heydər Əliyev Beynəlxalq Hava Limanına yüklərin gətirilməsinə başlanılıb.
 
Hava limanının mətbuat xidmətindən "APA-Economics"ə verilən məlumata görə, yarış bolidləri, onlara xidmət üçün və yarışların təşkili üçün lazım olan avadanlıq da daxil olmaqla 600 tondan çox yük altı reyslə Monreal şəhərindən gətirilib. Daha iki reys bu həftə yerinə yetiriləcək.
 
Reysləri "Silk Way Airlines", "Cargolux", "Qatar Cargo" və "AirBridgeCargo" yük aviaşirkətləri yerinə yetirirlər.
 
"Formula-1" Azərbaycan Qran-prisinin başlanmasına qədər ümumilikdə 800 tondan çox yükün gətirilməsi planlaşdırılır.
 
Qeyd edək ki, bolidlərin təkərləri daimi +20 dərəcə temperaturun saxlanıldığı xüsusi konteynerlərdə daşınır.
 
Azərbaycan Qran-prisi iyunun 22-dən 25-dək keçiriləcək.

Xəbərin orijinal ünvanı: http://news.lent.az/news/277339

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR