Argentina futbolunun canlı əfsanəsi Dieqo Armando Maradona "Real"ın hücumçusu Kriştianu Ronaldu haqda danışıb.
Milli.Az qol.az-a istinadən xəbər verir ki, ölkəsinin mətbuatına açıqlama verən veteran futbolçu 32 yaşlı hücumçunu vəhşi qurda bənzədib:
"Ronaldu son zamanlar əla formadadı, tam başqa bir səviyyədə futbol oynayır. O, vəhşi qurd kimidir! Kaş, Ronaldu argentinalı olaydı".
D. Maradona portuqaliyalı futbolçunu "Barselona"nın ulduzu Messi ilə müqayisə edib:
"Ronaldunu Argentina milli komandasında görmək istərdim. Amma ikisi arasında seçim qarşında qalsaydım, Messiyə üstünlük verərdim. O, futbol oynamaqdan zövq alır və rəqiblərini asanlıqla keçir".
Milli.Az
Digər maraqlı xəbərlər Milli.Az-ın Facebook səhifəsində