O, "Bozbaş pictures"-dən getdi

Açıqlama verən rejissor Emil Abdullayev komandadan ayrılması ilə bağlı pərdəarxası məqamları dilə gətirib. "My name is İntiqam", "Axırıncı yol", "Stalinin başı" kimi filmlərin rejissoru olan Emilin uğurlu filmlərdən sonra sözügedən komanda ilə yollarının ayrılması müxtəlif sualları ortaya çıxarır.

Emil Abdullayev son filmi olan "Stalinin başı" barədə bunları söyləyib:

"Gözləntilərimiz doğruldu. Yenə bu il ən çox baxılan film oldu. Artıq 4-cü aydır ki, hələ də kinoteatrda nümayiş etdirilir. "Axırıncı" yol kimi bu filmimiz də çox uğurlu və baxılan oldu. Çox sevindirici haldır".

Rejissor açıqlamasında qeyd etdi ki, yeni sezonda "Bozbaş pictures" komandası ilə olmayacaq və yolları ayrılıb:

"Əminəm ki "Bozbaş pictures" öz uğurlu film silsiləsini davam etdirəcək. Amma artıq mən komandada olmayacam. Dostluq münasibətləri təbii ki, öz yerində qalır, amma iş məsələsində yollarımızı ayırmışıq. Onlarla işlədiyim 2 filmin ikisi də rekord vurub. Mən uzun müddət eyni işləri görməyi sevən biri deyiləm, elə olanda özümü paslanmış kimi hiss edirəm. Mən düşünürəm ki, yaradıcı adam daima eyni işləri görməməlidir və yeniliklərə, dəyişməyə açıq olmalıdır. Onlarla çalışmağım həm mənə, həm də komandaya uğur gətirib. Qarşılıqlı anlaşma şəklində razılaşdıq. İş başqa, dostluq başqa".

Emil Abdullayev "Bozbaş pictures"dən ayrıldıqdan sonra yeni planları haqda da söz açıb:

"Bir neçə film təklifi var. Onları dəyərləndirirəm. Daha sonra ola bilər ki, yerli kanalların birində ciddi movzuda bir serial işi ərsəyə gətirim. Neçə vaxtdır üzərində işləyirəm. Bu barədə də fiklərim var. İnanıram ki, bu işlərimdə də uğur qazanacam. Uğursuzluqdan qorxan adam deyiləm. Uğursuzluqdan qorxan adam iş görməməlidir. Bu sahədə uğur qazanan adam artıq işin sirlərini bilir". //Ölkə.az


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR