Bakı. 21 iyun. REPORT.AZ/ Azərbaycanın beynəlxalq dərəcəli futbol hakimləri Avropa Liqasının I təsnifat mərhələsinin oyunlarına təyinat alıblar. "Report"un AFFA-nın rəsmi saytına istinadən verdiyi məlumata görə, Qazaxıstanın Almatı şəhərində "Kayrat"la Litva "Atlantas"ı arasında keçiriləcək görüş Ömər Paşayevə tapşırılıb.
Rəhim Həsənov isə Latviyada "Ventspils"lə İslandiya "Valur"unun üz-üzə gələcəyi qarşılaşmada iş başında olacaq.
29 iyun
“Kayrat” (Qazaxıstan) – “Atlants” (Litva)
Baş hakim: Ömər Paşayev
Baş hakimin köməkçiləri: Namiq Hüseynov, Mübariz Haşımov
Dördüncü hakim: Əliyar Ağayev
“Ventspils” (Latviya) – “Valur” (İslandiya)
Baş hakim: Rəhim Həsənov
Baş hakimin köməkçiləri: Yaşar Abbasov, Vaqif Musayev
Dördüncü hakim: Rauf Cabarov
Qeyd edək ki, "Kayrat"ın baş məşqçisi əvvəllər Bakının "Standard" və "İnter" komandalarında çalışmış Kaxaber Tsxadadzedir.