ABA-nın icraçı direktoru Dünya Bankının missiyasını qəbul edib

ABA-nın icraçı direktoru Dünya Bankının missiyasını qəbul edib
21:37 23 İyun 2017
Ölkə mətbuatı
A- A+

Bakı. 23 iyun. REPORT.AZ/ Azərbaycan Banklar Assosiasiyasının (ABA) icraçı direktoru Yunus Abdulov və ABA-nın “Kredit işi və Risk üzrə” Ekspert Qrupunun sədri Tariyel İsmailov Dünya Bankının “2-ci Maliyyə Sektorunun Modernizasiyası Layihəsi” üzrə Missiyasının qəbul edib.
Assosiasiyadan "Report"a verilən məlumata görə, missiyanın üzvləri Dünya Bankının Problemli Kreditlərin həlli üzrə Eksperti Fernando Dankausa və “İnsolvency” üzrə məsləhətçi Qordon Conson problemli korporativ kreditlərin həlli mexanizmi ilə bağlı təkliflərini səsləndiriblər.
Görüşdə təkliflər ətrafında fikir mübadiləsi apardıqdan sonra bu məsələnin bütün əlaqədar tərəflər, eləcə də “Kredit işi və Risk üzrə” Ekspert Qrupu ilə birlikdə müzakirəyə çıxarılmasına qərar verilib.
Qeyd edək ki, ABA 1990-cı ildə kommersiya bankları tərəfindən təsis edilib. ABA-nın yaradılmasında əsas məqsəd üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarət olub. Hazırda 30 bank və 2 bank olmayan kredit təşkilatı, eyni zamanda Azericard MMC ABA-nın üzvüdür.



Xəbərin orijinal ünvanı: https://report.az/maliyye/aba-nin-icraci-direktoru-dunya-bankinin-missiyasini-qebul-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR