Rusiyanın məşhur Matç TV telekanalı beynəlxalq "Formula-1" avtoçempionatının Azərbaycan Qran-Prisi barədə reportajlar hazırlayıb.
Telekanal yarışları canlı yayımda da nümayiş etdirir.
Milli.Az bildirir ki, Matç TV-nin şərhçisi Aleksey Popov Bakıda "Formula-1" trasının unikal olduğunu vurğulayıb: "Bakı yarışa əla hazırlaşıb. Tras unikal, bəlkə də fantastikdir. İçərişəhərdə, Qoşa Qala qapısının yanındakı döngə isə "Formula-1" yarışlarında misli olmayan məqamdır. Belə ki, tələblərə görə, döngənin diametri minimum 8 metr olmalı halda, Bakıda həmin döngə 7 metrlikdir. Bunu "Formula-1" rəhbərliyi Bakı üçün istisna qaydasında tətbiq edir. Çünki dünyanın heç bir yerində "Formula-1" bolidi orta əsrlərdə tikilmiş qala divarlarının yanından keçmir".
Milli.Az
Digər maraqlı xəbərlər Milli.Az-ın Facebook səhifəsində
