Bakı. Trend:
Bakıda iki azyaşlı avtomobil qaçıraraq qəza törədib.
Daxili İşlər Nazirliyindən Trend-ə verilən məlumata görə, iyunun 23-də paytaxtın Nizami rayonu B.Nuriyev küçəsindən Bakı şəhər sakini Aqil İbayevə məxsus "Mercedes" markalı avtomobil qaçırılıb və Naxçıvanski küçəsində idarə edilərkən yol ayırıcısına vurulub.
Hadisəni törətməkdə şübhəli bilinən paytaxt sakinləri olan 2 yeniyetmə aldıqları xəsarətlə xəstəxanaya yerləşdiriliblər.
Nizami RPİ tərəfindən hadisə ilə bağlı araşdırma aparılır.
