Şotlandiyalı kolleksioner Jo Conston FİFA-ya daxil olan bütün ölkələrin oyun köynəklərini kolleksiya etməklə məşhurlaşıb. Onun sözlərinə görə, kolleksiyasında ən dəyərlisi Azərbaycan milli komandasının 2010-cu ildə çıxış etdiyi formadır.
Milli.Az AFFA-nın "Facebook" səhifəsinə istinadla xəbər verir ki, köynək 2010-cu ildə U-17 milli komandamızın futbolçuları və komanda nümayəndələri tərəfindən imzalanmış və Roma Papası Benedikt XVI-ya hədiyyə edilib. Jo isə bu köynəyi sonradan onlayn satış portalı olan eBay-dən əldə edib.
Köynəyin üzərinə Elşən Abdullayev, Emil Balayev, Məqsəd İsayev, Rəşad Əzizli və U-17 millimizin digər futbolçuları imza atıb.
Milli.Az
Digər maraqlı xəbərlər Milli.Az-ın Facebook səhifəsində
