Bu gün dünya futbolunun argentinalı superulduzu Lionel Messinin 30 yaşı tamam olur. Fanat.Az xəbər verir ki, “Barselona”nın döyünən ürəyi 14 ildi ki, peşəkar futbolçu karyerasını sürdürür.
O, bu müddətdə 8 dəfə La Liqanın, 4 dəfə İspaniya Kubokunun, 4 dəfə Çempionlar Liqasının qalibi olub. 6 dəfə İspaniya Superkubokunu başı üzərinə qaldıran top sehrbazı “Barsa”yla 3 dəfə UEFA Superkubokunu qazanıb. Argentina yığmasıyla isə dünya çempionatında final oynayaraq “gümüş”lə kifayətlənib.
Messi indiyədək çıxdığı 701 matçda 565 qol və 281 məhsuldar ötürməylə yadda qalıb. Hesabında 41 het-trik olan cənubi amerikalı 5 dəfə “Qızıl top”, 4 dəfə “Qızıl buts” mükafatına layiq görülüb.
Fanat.Az