“Mançester Siti” ilə anlaşan Dani Alves “Yuventus”a daha bir zərbə vurmağa hazırlaşır. Fanat.Az “Football Italia”ya istinadən xəbər verir ki, turinlilərlə olan müqaviləsini qarşılıqlı razılıq əsasında pozmağa hazırlaşan Alves Paulo Dibalanı Mançester klubuna səsləyir.
Dibalayla görüşən və potensialının tam açılması üçün İngiltərə çempionatının daha yaxşı məkan olduğunu bildirən braziliyalı argentinalını yoldan çıxarmağa çalışır. Məlumata görə xəbər “Yuve” rəhbərliyini və azarkeşləri özündən çıxarıb. Artıq sosial şəbəkələrdə Alvesin cəhdi əsas müzakirə mövzularından birinə çevrilib.
Qeyd edək ki, Dibala “Yuventus”la A Seriyasında keçirdiyi 65 oyunda 30 qol vurub.
Fanat.Az
