Bakı. Ənvər Məmmədov - Trend:
Bakıda keçirilən Formula 1 yarışlarının sıralama turunda 4 pilot yarışı dayandırıb.
Trend-in məlumatına görə, Fernando Alonso, Stoffel Vandorn (hər ikisi Mclaren-Honda), Romen Qrojan (Haas) və Markus Eriksson (Sauber) birinci mərhələnin yekununda son yerləri tutublar.
Hazırda 1:41.983 dəqiqə göstərici ilə Lyuis Hemilton liderdir.
Qeyd edək ki, iyunun 23-də Bakıda dünyanın ən nüfuzlu idman yarışlarından olan Formula 1 dünya çempionatının 8-ci mərhələsi – Azərbaycan Qran-Prisinə start verilib.
Bu gün üçüncü sərbəst yürüşdən sonra sıralanma turu başlayacaq, yekunda pilotların düzülüşü müəyyənləşəcək. Nəhayət, iyunun 25-də Formula 1 – Azərbaycan Qran Prisinin qalibi məlum olacaq.
Formula 1 bolidlərinin hərəkət etməsi üçün hazırlanan xüsusi yolun – Bakı Şəhər Halqasının müəllifi Herman Tilkedir. Bir dövrənin uzunluğu 6 kilometrdən çoxdur. Ümumilikdə bolidlər 51 dövrə (120 dəqiqə) vurmalıdırlar.