Ötən gecə Abşeron rayonunda yanğın olub. Lent.az Fövqəladə Hallar Naqzirliyinin saytına istinadən xəbər verir ki, vətəndaşa məxsus ümumi sahəsi 100 m2 olan mərmər sexinin içərisində taxta arakəsmələrdən ibarət fəhlələrin soyunub-geyinmə otağı 6 m2 sahədə, 1 ədəd kondisioner və 5 p.m mətbəx mebeli yanıb. Sexin qalan hissəsi və yaxınlıqda olan tikililər yanğından mühafizə olunub. Yanğın saat 03:19-da yanğınsöndürənlər tərəfindən söndürülüb.
Oxşar hadisə Sumqayıt şəhərində də baş verib. Vətəndaşa məxsus ümumi sahəsi 20 m2 olan dəmir konstruksiyalardan ibarət meyvə-tərəvəz köşkünün içərisində olan taxta rəflər, meyvə-tərəvəz məhsulları, 1 ədəd elektron tərəzi və 1 ədəd soyuducu qismən yanıb. Yaxınlıqdakı digər köşklər yanğından mühafizə olunub. Yanğın saat 04:35-də söndürülüb.
