Bu günlərdə "Depression and Anxiety" jurnalında yayımlanan bir araşdırma sübut edir ki, xoşbəxt olmaq üçün cəmiyyət tərəfindən göstərilən təzyiq depressiyaya yol aşa bilər.
Melbourne Universiteti Psixoloji Elmlər Məktəbinin professoru Brock Bastian belə deyib: "İçində yaşadığımız mədəni və sosial çevrənin depressiya səviyyəmizi və neqativ hadisələrə necə reaksiya verəcəyimizi müəyənləşdirmə məsələsində önəm daşıdığını həqiqətən də görməyə başlayırıq".
Depressiya insanların pozitiv və neqativ hisslər arasındakı münasibəti daha yüksək səviyyədə anladığı Şərq ölkələrindən çox Amerika kimi qəbr ölkələrində daha geniş yayılıb. İnsanlar şərqdə daha xoşbəxt olmasalar da, daha az pessimistdilər.
Milli.Az musavat.com-a istinadən xəbər verir ki, Bastiana görə, depressiya bir yoluxucu xəstəlikdir. Bastian və digər araşdırmaçılar tərəfindən aparılan araşdırma xoşbəxtliyin sosial gözləntiləri və depressiya əlamətləri arasındakı münasibəti üzə çıxarıb. Məlum olub ki, bir insane xoşbəxt olmaq üçün nə qədər çox təzyiq hiss edərsə, o qədər çox depressive əlavələt yaşayacaq.
Bastianın bir başqa araşdırması da göstərir ki, xoşbəxt olmaq üçün sosial təzyiq hiss edən fərdlər uğursuzluq sonrası daha dərin düşüncələrə dalır. Keçmişdəki uğursuzluğu aşmaq vacibdir, amma bunu çox dərin düşünmək depressiyaya səbəb ola bilər.
"Pozitiv və neqativ duyğuları fərqli şəkildə dəyərləndirmədə bir dəyişikik olub" deyir Bastian. "Pozitiv duyğulara daha çox dəyər veririk. Neqativ duyğuları isə bizə çox yaramayan, xeyir verməyən şeylər olaraq görürük".
SOSİAL MEDİA BİCLİKLƏRİ - ONLARI UNUTMAYAQ
"Boğazımızdan aşağı nə qədər çox xoşbəxtlik basdırıldığını adətən tam fərq edə bilmirik. Hər nə zaman bir reklam görsəz, xoşbəxt insanlar görürsünüz. Reklamçılar məhsullarını neqativ üzlərlə satmırlar. Əgər daha çox çalışsaq, daha çox qazansaq və satın alsaq, reklamlardakı insanlar qədər xoşbəxt olacağımız mesajını verirlər".
Bu detalları bilərək, onlara verdiyimiz reaksiyanı daha yaxşı idarə edə bilərik. Daha bir məqam. İnsanlar sosial mediadan isifadə edərkən bütün yaşadıqlarını paylaşmaq yerinə daha çox pozitiv olanları paylaşmağı tərcih edirlər. Məsələn, fikir verin, kim tətil zamanı başına gələn ən neqativ detalları bəh-bəhlə paylaşır? Çox az adam. İnsanlar daha çox günəş, qum, möhtəşəm tətil fotolarını paylaşaraq, hər şeyin super getdiyini mesaj verməyə çalışırlar. Amma bu davranışın kökündə daha çox insanın kədəri dayanır. Alimlər deyir ki, bu, xoşbəxt görünməyə cəhd etmədən başqa bir şey deyil.
SÖHBƏTİ DƏYİŞDİR
Neqativ durumların pozitiv yönlərinə fokuslanmaq məntiqli ola bilər. Amma bu da bir çox hallarda insanı gücdən salır. Maraqlıdır ki, neqativ olmaq daha güclü və etibarlı münasibətlər yarada bilir və bu, elmdə sübut olunub.
"İnsanlar neqativ məlumatı paylaşaraq daha çox ünsiyyət qurar" deyir Bastian. "İnsanlar arasında pozitiv məlumat paylaşımı üçün süni cəhdlər onları daha çox yorur. Müstəqil və realist olun. Təbii ki, hər zaman neqativ olmaq yaxşı deyil. Amma duyğularınız haqqında dürüst olmaq daha vacibdir".
SƏNƏ MEYDAN OXUYAN HƏDƏFLƏRİN ARXASINCA QAÇ
Xoşbəxt olmağa fokuslanmaq yerinə, sənə yaşam duyğusu verən hədəflər qoy. Bastian deyir ki, "Xoşbəxt bir həyat adətən özündə neqativ hadisələri birləşdirir. Özümüzə meydan oxumaamız olduqca neqativ və çətin olan şeylər etməyimizə səbəb olur. Son nəticdə xoşbəxtliyi hiss edərik, amma nəticə sadəcə pozitiv hisslər deyil".
Bir hədəfə çatmanın mərhələləri də idmanı xatırladır, çünki bir neçə mərhələdən keçir. Amma sonuc məmnuniyyət duyğusu ilə nəticələnir.
Milli.Az
