Daşkəsən rayonunda bıçaqlanma hadisəsi baş verib.
Publika.az xəbər verir ki, rayon sakini, 1991-ci il təvəllüdlü İsmayılov Əkbər Kazım oğlu döş qəfəsinin sol yarısının kəsilmiş-deşilmiş yarası xəsarəti ilə Gəncə şəhər Təcili Yardım xəstəxanasına yerləşdirilib. Dərhal əməliyyat olunun Ə.İsmayilovun vəziyyəti orta-ağır kimi qiymətləndirilir.
Ə.İsmayilov döş qəfəsinə təsadüfən qayçının batdığını desə də,
həkimlər onun bıçaqlanaraq xəsarət aldığını ehtimal edirlər.
Faktla bağlı Daşkəsən rayon Polis Şöbəsində araşdırma aparılır.
(apa)
