Yəməndə üsyançılar məsciddəki şəxslərə atəş açıblar: ölənlər və yaralananlar var

Yəməndə üsyançılar məsciddəki şəxslərə atəş açıblar: ölənlər və yaralananlar var
07:07 26 İyun 2017
44 Dünya
Ölkə mətbuatı
A- A+

Bakı. 26 iyun. REPORT.AZ/ Yəməndə üsyançı husilərin məsciddəki şəxslərə açdığı atəş nəticəsində 4 nəfər həlak olub, daha 3 nəfər yaralanıb.
"Report" "RİA Novosti"yə istinadən xəbər verir ki, insident Əmran vilayətinin qərb hissəsində, Şahar bələdiyyəsi ərazisindəki məscidlərdən birində, fitrə bayramı ilə əlaqədar duaların oxunması zamanı baş verib.
Şahidlərdən birinin sözlərinə görə, "Ənsar Allah" hərəkatının üsyançılarından biri məsciddə hərəkətin şüarlarının tələffüz edilməsinə görə yaranmış münaqişə zamanı başqasına atəş açıb. Onun həlak olmasından sonra silahlı toqquşma davam edib. Nəticədə daha iki nəfər öldürülüb, üç nəfər yaralanıb.
Paytaxt Sananın şimalında yerləşən Əmran vilayəti 2014-cü ildən üsyançılar tərəfindən işğal edilib.
Yəməndə vətəndaş qarşıdurması 3 ilə yaxındır davam edir.


Xəbərin orijinal ünvanı: https://report.az/diger-olkeler/yemende-usyancilar-mescidde-ates-aciblar-olenler-ve-yaralananlar-var

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR