"Mançester Yunayted"in baş məşqçisi Joze Mourinyoya ağır itki üz verib.
Milli.Az qol.az-a istinadən xəbər verir ki, portuqaliyalı mütəxəssisin atası Feliks Mourinyo 79 yaşında dünyasını dəyişib.
F.Mourinyo gənclik illərində qapıçı kimi çıxış edib. F.Mourinyo karyerasına başladığı "Vitoriya" ilə 2 dəfə Portuqaliya Kubokunu qazanıb. Daha sonra o, 1968 - 1974-cü illərdə "Belenensiş"də çıxış edib.
F.Mourinyo 1981/1982-ci illərdə "Riu Ave"də, 1982/1983-cü illərdə "Belenensiş"də köməkçi-məşqçi və baş məşqçi olub. Həmin vaxt Joze Mourinyo onun rəhbərliyi altında çıxış edib.
Milli.Az
