Bakı. 26 iyun. REPORT.AZ/ "Rusiya prezidenti Vladimir Putinin Almaniyanın Hamburg şəhərində keçiriləcək "Böyük-20-liyin" (G-20) sammiti çərçivəsində amerkalı həmkarı Donald Trampla görüşmək imkanı olacaq".
"Report" "İnterfaks"a istinadən xəbər verir ki, bunu Rusiya prezidentin mətbuat katibi Dmitriy Peskov deyib.
Onun sözlərinə görə, Rusiya tərəfi bu görüşü amerikanlılar üçün ən münasib formatda keçirməyə hazırdır: "İstənilən halda onlar eyni məkanda, eyni tədbirdə olacaqlar. Beləliklə, görüş imkanı olacaq".