Qəzza zolağından atılan raket İsrailin cənub bölgəsində partlayıb.
APA-nın məlumatına görə, bu barədə İsrail ordusunun mətbuat xidməti bildirib.
Raket Şaar Xa-Neqev rayonu yaxınlığında boş əraziyə düşüb. Hadisə nəticəsində zərərçəkən olmayıb.
Qeyd edək ki, son dəfə İsrail ərazisi martın 18-də Qəzzadan raket atəşinə tutulmuşdu. Buna cavab olaraq İsrail ordusu “HƏMAS”-ın Qəzza zolağındakı mövqelərinə hava və tanklardan zərbələr endirmişdi.
