Daşkəsən rayonunun Xoşbulaq kəndində bədbəxt hadisə baş verib.
Publika.az xəbər verir ki, Gəncə şəhər sakini, 1993-cü il təvəllüdlü Qurbanov Xalıq Azər oğlu kabab çəkərkən ehtiyatsızlıqdan özünü yandırıb.
Xəstəxanaya yerləşdirilən yaralının vəziyyəti orta-ağırdır.
Dostlarının dediyinə görə, o, kömürü alışdırmaq üçün manqala benzin tökərkən yanacaq onun üzərinə də dağılıb. Nəticədə onu alov bürüyüb.
Faktla bağlı araşdırma aparılır.
